ویلنگٹن ٹیسٹ میچ میں انگلینڈ کے فاسٹ بولر گس ایٹکنسن نے نیوزی لینڈ کے خلاف ہیٹ ٹرک کرلی۔
نیوزی لینڈ کے ہاتھوں سے ویلنگٹن ٹیسٹ بھی نکلنے لگا ہے، دو روز میں انگلینڈ کی دوسرے ٹیسٹ میچ پر بھی گرفت مضبوط ہوگئی ہے۔انگلینڈ نے نیوزی لینڈ کے خلاف 533 رنز کی مجموعی برتری حاصل کرلی ہے۔
دوسرے روز انگلینڈ نے دوسری اننگز میں پانچ وکٹوں کے نقصان پر 378 رنز بنالیے، کیوی ٹیم پہلی اننگز میں صرف 125 رنز پر ڈھیر ہوئی۔فاسٹ بولر ایٹکنسن اور برائیڈن کارس نے چار، چار شکار کیے۔
تاہم فاسٹ بولر ایٹکنسن نے نیوزی لینڈ کے خلاف ہیٹ ٹرک کی، انہوں نے نیتھن اسمتھ کو 14 رنز پر بولڈ کیا پھر میٹ ہنری اور ٹم ساؤتھی کو کھاتا کھولے بغیر پویلین روانہ کیا۔
ایٹکنسن ٹیسٹ کرکٹ میں ہیٹ ٹرک کرنے والے 15ویں انگلش بولر بن گئے ہیں اس سے قبل معین علی نے جنوبی افریقہ کے خلاف 2017 میں ہیٹ ٹرک کی تھی۔
انگلش فاسٹ بولر ہیٹ ٹرک اسکور کرکے لیجنڈز اسٹیورٹ براڈ، جسپریت بمراہ اور شین وارن کی فہرست میں شامل ہوگئے ہیں جبکہ نیوزی لینڈ کے خلاف اس سے قبل مارس ایلم اور ریان سائیڈ بوٹم ہیٹ ٹرک کرچکے ہیں۔
