ایچ بی ایل پاکستان سپر لیگ کے 10ویں ایڈیشن کیلئے غیرملکی کھلاڑیوں کی رجسٹریشن کا عمل شروع ہو گیا۔ایچ بی ایل پی ایس ایل پلیئرز کا ڈرافٹ 11 جنوری کو شیڈول ہے جس کی پلیئرز کیٹگری کی تجدید کا اعلان 17 دسمبر کو کیا جائے گا۔پی ایس ایل آئندہ سال 8 اپریل سے 19 مئی 2025 کےدرمیان شیڈول ہے۔
سی ای او پی ایس ایل سلمان نصیر کا کہنا ہے کہ ایچ بی ایل پی ایس ایل ایسا برانڈ ہے جس پر ہم سب کوفخر ہے پی ایس ایل کا تاریخی 10واں سیزن سب کے لیے مزید جوش و خروش پیدا کرے گا۔
پی ایس ایل کے 10 ویں سیزن کے ڈرافٹ کے پرومو میں پی ایس ایل پلیئر ڈرافٹ 11.1 لکھا ہوا ہے۔ پرومو کے مطابق پی ایس ایل پلیئر ڈرافٹ 11 جنوری کو ہوگا۔
