برمنگھم (اسپورٹس ڈیسک)ورلڈ چیمپئن شپ آف لیجنڈز (WCL) 2025 کے فائنل میں جنوبی افریقہ چیمپئنز نے پاکستان چیمپئنز کو شاندار انداز میں 9 وکٹوں سے شکست دے کر ٹائٹل اپنے نام کر لیا۔ایجبیسٹن کرکٹ گراؤنڈ، برمنگھم میں کھیلے گئے اس ہائی وولٹیج میچ میں جنوبی افریقہ نے 196 رنز کا ہدف صرف 16.3 اوورز میں پورا کر کے تاریخ رقم کر دی۔
🌟 اے بی ڈویلیئرز – فتح کے ہیرو
جنوبی افریقہ کے کپتان اے بی ڈویلیئرز نے ایک اور شاندار سنچری اسکور کی، انہوں نے صرف 7 چھکوں اور 12 چوکوں کی مدد سے 120 رنز کی ناقابلِ شکست اننگز کھیل کر پاکستان کو شکست سے دوچار کیا۔یہ ان کی ٹورنامنٹ میں تیسری سنچری تھی.انہوں نے آسٹریلیا کے خلاف 123،انگلینڈ کے خلاف 116اور فائنل میں پاکستان کے خلاف 120رنزبنائے.ان کے ساتھ جے پی ڈومینی نے بھی خوب ساتھ نبھایا اور 50 رنز بنا کر ناٹ آؤٹ رہے۔
🏏 پاکستان کی بیٹنگ – اچھا آغاز، کمزور انجام
پاکستان چیمپئنز نے پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 195 رنز اسکور کیے۔
شرجیل خان نے 9 چوکے، 4 چھکوں کی مددسے 44 گیندوں پر جارحانہ 76 رنز بنائے.عمر امین19گیندوں پر 38رنزبناسکے.آصف علی نے 28،شعیب ملک نے20اور کپتان محمد حفیظ17رنزبناسکے.
جنوبی افریقہ کیلئےوائن پارنیل اور ہارڈس ویلجوئن نے 2،2 کھلاڑیوں کو پویلین واپس بھیجا۔
🎯 پاکستان کی باؤلنگ بے اثر
پاکستان کی جانب سے صرف سعید اجمل ہی ایک وکٹ حاصل کر سکے۔ باقی تمام باؤلرز جنوبی افریقہ کے جارحانہ بلے بازوں کے سامنے بے بس نظر آئے۔
🏆 ٹورنامنٹ کا ہیرو: اے بی ڈویلیئرز
اے بی ڈویلیئرز نہ صرف جنوبی افریقہ کو ٹائٹل دلانے میں کامیاب رہے، بلکہ تین سنچریوں کے ساتھ ٹورنامنٹ کے بہترین بلے باز اور پلئیر آف دی ٹورنامنٹ بھی قرار پائے۔
