گیونگ جو (اے پی) جنوبی کوریا کے صدر لی جے میونگ اور سابق امریکی صدر ڈونلڈ ٹرمپ کے درمیان بدھ کے روز شمالی گیونگ سانگ صوبے کے شہر گیونگ جو میں ایک اہم سربراہی ملاقات ہوئی۔یہ ملاقات دونوں رہنماؤں کے درمیان دو ماہ کے وقفے کے بعد دوسری ملاقات تھی۔ اس سے قبل وہ واشنگٹن ڈی سی میں وائٹ ہاؤس میں ملاقات کر چکے ہیں۔
اے پی کے مطابق، یہ ملاقات اے پی ای سی اجلاس کے موقع پر ہوئی جس میں دوطرفہ تعلقات، تجارتی تعاون، علاقائی سلامتی اور اقتصادی ترقی کے امور پر تفصیلی بات چیت کی گئی۔ذرائع کے مطابق، صدر لی جے میونگ نے صدر ٹرمپ کو کوریا کے اعلیٰ ترین شہری اعزاز “موگونگوا ڈے ہونگ جانگ” (Mugunghwa Grand Order) سے نوازا، جو غیر معمولی دوستی اور تعاون کے اعتراف میں دیا جاتا ہے۔
ملاقات گیونگ جو نیشنل میوزیم میں منعقد ہوئی، جہاں دونوں رہنماؤں نے تاریخی نوادرات کا بھی دورہ کیا۔صدر ٹرمپ نے کوریا کے عوام کے عزم اور ترقی کی تعریف کرتے ہوئے کہا”امریکہ کوریا کا پُراعتماد دوست اور دیرینہ شراکت دار رہے گا۔”
دونوں ممالک کی حکومتوں کے مشترکہ اعلامیے میں کہا گیا کہ یہ ملاقات”دوستی، تعاون اور باہمی احترام کی علامت ہے، جو امریکہ اور جنوبی کوریا کے تعلقات کو نئی بلندیوں تک لے جائے گی۔”
