جکارتہ/بینکاک (اے ایف پی/رائٹرز/بزنس ریکارڈر / ٹائمز آف انڈیا) جنوب مشرقی ایشیا میں شدید بارشوں اور طوفانی موسم کی وجہ سے انڈونیشیا اور تھائی لینڈ میں آنیوالے سیلاب اور لینڈ سلائیڈنگ سے اموات کی تعداد 600 کے قریب پہنچ گئی ہے، جب کہ سیکڑوں افراد لاپتہ ہیں۔ ریسکیو ٹیمیں ملبہ ہٹانے اور لاپتہ افراد کی تلاش میں مصروف ہیں۔
انڈونیشیا میں ہلاکتیں 442 تک پہنچ چکی ہیں، جبکہ 402 افراد لاپتہ اور کم از کم 646 زخمی ہیں۔ متاثرہ علاقوں میں امدادی کارروائیاں جاری ہیں۔
تھائی لینڈ میں سیلاب سے کم از کم 162 افراد ہلاک ہوئے ہیں، اور حکومت نے متاثرہ خاندانوں کو معاوضہ دینے کا وعدہ کیا ہے۔ مگر امداد کی تاخیر اور انتظامی غفلت کی وجہ سے عوامی ناراضگی پائی جاتی ہے۔
گہرے مون سون بارشوں اور شدید طوفانی لاچاری نے جنوبی ایشیا کے مختلف حصوں کو لپیٹ میں لے لیا ہے، ہزاروں لوگ بے گھر ہو چکے ہیں اور امدادی اہلکار ملبہ ہٹانے اور بچاؤ کی کوششیں جاری رکھے ہوئے ہیں۔
