انقرہ(ترک میڈیا) ترکیہ کے وزیر خارجہ حاقان فیدان نے اسرائیلی وزیر اعظم بنیامین نیتن یاہو کی حکومت کو نہ صرف پورے خطے بلکہ خود اسرائیل کے لیے بھی بوجھ قرار دیتے ہوئے کہا ہے کہ موجودہ اسرائیلی حکومت بین الاقوامی سلامتی کیلئےبھی خطرہ بن چکی ہے۔
ترک وزیر خارجہ حاقان فیدان نے اپنے بیان میں کہا کہ نیتن یاہو کی حکومت کی پالیسیوں نے خطے میں کشیدگی کو مزید بڑھایا ہے اور یہ بات امریکی صدر ڈونلڈ ٹرمپ بھی سمجھتے ہیں۔
انہوں نے کہا کہ حماس، حزب اللّٰہ اور ایران کے خلاف جنگ کے بعد اب نیتن یاہو کو ایک نئے دشمن کی ضرورت ہے تاکہ خود کو مظلوم ظاہر کر سکیں اور عالمی ہمدردی حاصل کر سکیں۔
حاقان فیدان کے مطابق نیتن یاہو اور ان کے ساتھی اب ترکیہ کو اپنا نیا دشمن بنانے کی کوشش کر رہے ہیں۔
ترک وزیر خارجہ نے مزید کہا کہ اسرائیل میں جب بھی انتخابات قریب آتے ہیں تو نیتن یاہو اور ان کے اتحادیوں کو سیاسی مقاصد کے لیے ایک نئے دشمن کی ضرورت محسوس ہوتی ہے۔
