اسلام آباد (نامہ نگار) بانی پاکستان تحریک انصاف (پی ٹی آئی) کے بیٹے قاسم خان نے اقوام متحدہ کی انسانی حقوق کونسل میں اپنے والد اور تمام سیاسی قیدیوں کی رہائی کا مطالبہ کیا ہے۔
قاسم خان نے کہا کہ وہ اپنے والد کی طرح پاکستان کیلئے جی ایس پی پلس اسٹیٹس کی حمایت کرتے ہیں لیکن اس کے حصول کیلئے حکومت کو شہری اور سیاسی حقوق سمیت اُن 27 معاہدوں پر عمل کرنا ہوگا جن کا وعدہ اس سہولت کیلئے کیا گیا تھا۔
وزیر اطلاعات پنجاب عظمیٰ بخاری نے ردعمل دیتے ہوئے کہا کہ پاکستان کے جی ایس پی پلس اسٹیٹس کو متنازع بنانے کی کوشش کی گئی اور پاکستان کیخلاف 9 مئی کا واقعہ عمران خان کے بیٹے کے مرکزی کردار کے تحت ہوا۔
عظمیٰ بخاری نے مزید کہا کہ عید کے موقع پر قاسم خان کو والد سے آدھا گھنٹہ فون پر بات کرنے کی اجازت دی گئی تھی، جبکہ دونوں بھائی امریکا میں اسرائیلی لابی کے ساتھ ملے۔ ان کی واحد دلیل یہ تھی کہ والد جیل میں ہیں، اور یورپی یونین نے 9 مئی کی بغاوتوں اور توشہ خانہ جیسے معاملات کا بھی جائزہ لیا۔
