دمام (سعودی سول ایوی ایشن)سعودی عرب کے شہر دمام میں شاہ فہد انٹرنیشنل ایئرپورٹ پر حوثیوں کے حملے میں جاں بحق ہونے والوں کی تعداد 2 ہوگئی، جبکہ 8 افراد زخمی ہوئے۔
سعودی سول ایوی ایشن حکام کے مطابق جاں بحق ہونے والوں میں ایک سعودی شہری اور ایک بھارتی باشندہ شامل ہے۔ زخمیوں میں بھی سعودی شہریوں سمیت مختلف ممالک سے تعلق رکھنے والے غیرملکی شامل ہیں۔
حکام کے مطابق زخمیوں کو مختلف اسپتالوں میں طبی امداد فراہم کی جا رہی ہے۔ حملے کے بعد ایئرپورٹ پر فضائی آپریشن بحال کردیا گیا ہے اور پروازوں کی آمدورفت معمول کے مطابق جاری ہے۔
سعودی سول ایوی ایشن حکام نے سیکیورٹی اداروں کے تعاون سے حملے کے نقصانات کا جائزہ لینے اور مزید حفاظتی اقدامات کرنے کا اعلان کیا ہے۔
