جارج ٹاؤن (اشرف خان لودھی سے) کونسل آف کینیڈا ماسٹرز کرکٹ کے زیراہتمام آئی ایم سی اوور 60 کرکٹ ورلڈ کپ کی افتتاحی تقریب مرتضیٰ جوئیہ کے فارم ہاؤس پر منعقد ہوئی، جس میں کرکٹ سے وابستہ شخصیات، معزز مہمانوں، ارکانِ پارلیمنٹ اور مختلف ٹیموں کے کھلاڑیوں نے شرکت کی۔
تقریب کے میزبان اکشے پانڈے نے اسٹیج پر گفتگو کرتے ہوئے بتایا کہ پورا ایجنڈا، تمام میچز، آئی ایم سی چیئر کی جانب سے تہنیتی پیغامات، رکنِ پارلیمنٹ کے تہنیتی پیغامات اور کینیڈا کے وزیراعظم مارک کارنی کی جانب سے تہنیتی پیغام بھی شامل ہے جبکہ یہاں تمام ٹیموں آسٹریلیا،پاکستان ،سائوتھ افریقہ،کینیڈا،سری لنکا،ویسٹ انڈیز، انگلینڈ،امریکہ ،بھارت ،نیوزی لینڈ،ویلز،زمبابوے ،سکاٹ لینڈاورآئی ایم سی ایمرجنگ نیشنز کے نام بھی موجود ہیں۔
انہوں نے کہا کہ یہ آپ سب کیلئے ایک ایسی یادگار ہے جسے آپ جب بھی یہ میگزین دیکھیں گے، ہمیشہ سنبھال کر رکھ سکتے ہیں اور زندگی بھر یاد رکھ سکتے ہیں کہ آپ نے کینیڈا میں منعقد ہونے والے آئی ایم سی اوور 60 ورلڈ کپ کے تیسرے ایڈیشن میں شرکت کی، حصہ لیا اور مقابلہ کیا۔
ایک بار پھر آپ سب کا بہت بہت شکریہ۔ تاہم، میرے لئےیہ باعثِ اعزاز اور خوشی کی بات ہے کہ میں ٹاؤن آف جارج ٹاؤن کے معزز میئر کو دعوت دوں کہ وہ تشریف لائیں اور اس تقریب کو اپنی شرکت سے رونق بخشیں اور اپنے کلمات سے نوازیں۔
آئی ایم سی کے چیئرمین اسٹرلنگ ہیمن نے کہا کہ اراکینِ پارلیمنٹ، میئرز اور معزز شخصیات سمیت سب کو خوش آمدید۔ ہم یہاں موجود ہیں، ہم نے مسابقتی کرکٹ کے دو دن گزارے ہیں، یہ شاندار رہا ہے۔ ہر ایک نے میدان میں جا کر اپنی پوری کوشش کی ہے۔ ہمارے پاس کچھ شاندار نتائج، کچھ اپ سیٹس اور کچھ انتہائی قریبی مقابلے بھی ہوئے ہیں، لیکن ٹورنامنٹ بہت، بہت اچھے انداز میں آگے بڑھ رہا ہے۔
انہوں نے کہا کہ میں آئی ایم سی کی جانب سے اور اپنے تمام کھلاڑیوں کی جانب سے کہنا چاہتا ہوں اکشے، آپ کا شکریہ کمیٹی، آپ کا شکریہ معزز شخصیات، یہاں ہمارا خیرمقدم کرنے پر آپ کا شکریہ، اور بالخصوص ہمارے میزبان کا شکریہ جو اس جائیداد کے مالک ہیں۔
انہوں نے کہا کہ یہ ایک شاندار تقریب ہے یادگار ہے، اور یہ 2024ء اوور 60 آئی ایم سی ورلڈ کپ کے شاندار سفر کا ایک حصہ ہے۔ شکریہ۔
ٹاؤن آف ہالٹن ہلز کی میئر این لاولر نے خطاب کرتے ہوئے کہا کہ ہم آپ کو ٹاؤن آف ہالٹن ہلز میں خوش آمدید کہتے ہیں، جس میں جارج ٹاؤن اور ایکٹن کے علاقے شامل ہیں، جبکہ ہمارے چاروں طرف خوبصورت دیہی علاقہ بھی موجود ہے۔ انہوں نے کہا کہ انہیں امید ہے کہ شرکا اس خوبصورت ماحول اور شام سے لطف اندوز ہو رہے ہوں گے۔
میئر این لاولر نے مرتضیٰ جوئیہ کا شکریہ ادا کرتے ہوئے کہا کہ انہوں نے انہیں اپنے گھر اور خوبصورت جائیداد پر مدعو کیا۔ انہوں نے کہا کہ ٹاؤن آف ہالٹن ہلز ایک چھوٹی سی کمیونٹی ہے اور ان کے علم کے مطابق یہ یہاں منعقد ہونے والا سب سے بڑا بین الاقوامی اجتماع ہے۔انہوں نے آخر میں تمام شرکا کا شکریہ ادا کرتے ہوئے کہا کہ ان کی شرکت ٹاؤن آف ہالٹن ہلز کیلئےباعثِ مسرت ہے۔
برامپٹن ویسٹ سے ایم پی پی امرجوت سندھو نے کہا کہ جب بھی یہ مجھے بلاتے ہیں، آپ جانتے ہیں کہ آپ اس شخص کو منع نہیں کر سکتے۔ یہ میرے بڑے بھائی ہیں، میرے رہنما اور استاد ہیں، بلکہ میرے لئے ایک خاندان سے بھی بڑھ کر ہیں۔ مرتضیٰ بھائی، آج یہاں ہماری میزبانی کرنے پر آپ کا بہت بہت شکریہ۔
انہوں نے کہا کہ یہ تقریب واقعی ایک تہوار کی طرح محسوس ہو رہی ہے۔ میں دنیا بھر سے اس ورلڈ کپ میں شرکت کیلئے آنے والی تمام ٹیموں کو خوش آمدید کہنا چاہوں گا۔انہوں نے کہا کہ جیسا کہ رکنِ پارلیمنٹ نے بھی ذکر کیا، کرکٹ نہ صرف ہالٹن اور برامپٹن بلکہ پورے کینیڈا میں بہت تیزی سے مقبول ہو رہی ہے۔
امرجوت سندھو نے کہا کہ میں 12، 13 سال کی عمر سے کرکٹ کھیل رہا ہوں، اور جب سے میں 2008ء میں کینیڈا آیا ہوں، میں آپ کو ایک بات بتا سکتا ہوں کہ ہم نے اس سے پہلے کبھی اس طرح کا انفراسٹرکچر نہیں دیکھا، نہ ہی اس معیار کے گراؤنڈز دیکھے ہیں۔انہوں نے کہا کہ اس کا تمام تر کریڈٹ ہماری مقامی حکومتوں کو جاتا ہے۔ میئر پیٹرک براؤن برامپٹن میں بہت شاندار کام کر رہے ہیں۔
جارج ٹاؤن، اونٹاریو سے رکنِ پارلیمنٹ کرسٹینا ٹَیسر ڈیرکسن نے اپنے خطاب میں کہا کہ بچے کرکٹ سیکھ رہے ہیں، تو شاید ہم ایک دن انہیں بھی کسی میچ کیلئےباہر لے آئیں۔ کیا یہ زبردست نہیں ہوگا؟ جی ہاں!
انہوں نے کہا کہ ہم یہاں آپ کی حمایت کیلئے موجود ہیں، اپنی میونسپلٹیوں کی ان کوششوں کی حمایت کرتے ہوئے جو اس بات کو یقینی بناتی ہیں کہ ان سہولیات میں آپ کیلئےمناسب گنجائش اور مواقع موجود رہیں، تاکہ آپ وہ کام جاری رکھ سکیں جس سے آپ محبت کرتے ہیں اور جس میں آپ اتنی مہارت رکھتے ہیں، یعنی کرکٹ کھیلنا۔انہوں نے کہا، آپ کا بہت بہت شکریہ!
تقریب میں دنیا کے معروف کرکٹ امپائرز نیوزی لینڈ کے بلی باؤڈن اور ویسٹ انڈیز کے اسٹیو بکنر نے بھی خصوصی طور پر شرکت کی۔افتخار خان، حسن مرزا، گرجیت سنگھ سندھو سمیت پاکستان سے خصوصی طور پر مذکورہ کرکٹ ٹورنامنٹ میں شرکت کیلئے آئے ہوئے وفاقی وزیر سید عمران علی شاہ نے شرکت کی۔
