واشنگٹن (رائٹرز، ایسوسی ایٹڈ پریس) کیٹی زکریا کو وائٹ ہاؤس کی پریس سیکرٹری کے عہدے سے پانچ روز بعد ہٹا دیا گیاامریکی صدر ڈونلڈ ٹرمپ کی پریس سیکرٹری کیٹی زکریا صرف پانچ روز ذمہ داریاں انجام دینے کے بعد عہدے سے الگ ہو گئیں۔
امریکی ذرائع ابلاغ کے مطابق ان کی برطرفی کی اطلاعات سامنے آئی ہیں، تاہم بعض اطلاعات میں کہا گیا ہے کہ وہ عہدے سے سبک دوش ہو رہی ہیں۔کیٹی زکریا کی تقرری 9 اکتوبر کو کی گئی تھی، جبکہ انہوں نے 12 اکتوبر کو ذمہ داریاں سنبھالی تھیں۔ ان کی پہلی پریس بریفنگ کے بعد ان کی کارکردگی پر تنقید کی گئی.
ان کی قانونی قابلیت اور وکالت کے لائسنس سے متعلق سوالات بھی اٹھائے گئے۔رپورٹس کے مطابق کیٹی زکریا نے اعتراف کیا تھا کہ وہ کیلیفورنیا کے وکالت کے امتحان میں کامیاب نہیں ہوئی تھیں، جس کے بعد ان کی پیشہ ورانہ اسناد زیرِ بحث آئیں۔
امریکی صدر ڈونلڈ ٹرمپ نے بھی میڈیا سے گفتگو میں کہا تھا کہ انہوں نے کیٹی زکریا کو مشورہ دیا ہے کہ وہ اس معاملے پر دوبارہ غور کریں۔ ٹرمپ نے ان کا دفاع کرتے ہوئے کہا تھا کہ ذرائع ابلاغ نے ان کے ساتھ غیر منصفانہ سلوک کیا۔عہدے سے علیحدگی کی خبر سامنے آنے کے بعد وائٹ ہاؤس میں ان کی مختصر مدتِ ذمہ داری امریکی ذرائع ابلاغ میں موضوعِ بحث بن گئی۔
