برامپٹن(بابا عرفان ملک سے)منہال احمد اور زین صدیقی شادی کے بندھن میں بندھ گئے۔ ان کی شادی کی پُرمسرت تقریب خوشی، محبت اور خاندانی اپنائیت کے ماحول میں منعقد ہوئی، جس میں بابا عرفان ملک نے بھی شرکت کی۔ انہوں نے اس موقع پر نوبیاہتا جوڑے کو مبارکباد پیش کی اور ان کیلئے نیک تمناؤں کا اظہار کیا۔
تقریب کے حوالے سے اپنے پیغام میں بابا عرفان ملک نے کہا کہ منہال احمد اور زین صدیقی کی خوشی میں شریک ہونا ان کیلئے باعثِ مسرت اور اعزاز تھا۔ انہوں نے شادی کی تقریب کو محبت، خلوص اور خاندانی رشتوں کی خوبصورتی کا مظہر قرار دیتے ہوئے جوڑے کیلئے خوشگوار اور کامیاب ازدواجی زندگی کی دعا کی۔
بابا عرفان ملک نے اپنے عزیز احمد حسین، جنہیں وہ حسین بھائی کہتے ہیں، کا خصوصی شکریہ ادا کیا کہ انہوں نے محبت کے ساتھ تقریب میں شرکت کی دعوت دی اور خاندان کی اس یادگار خوشی میں شریک ہونے کا موقع فراہم کیا۔ انہوں نے احمد حسین اور ان کے اہلِ خانہ کی محبت، مہمان نوازی اور اپنائیت کو سراہا۔
تقریب میں بابا عرفان ملک نے دعا کی کہ اللہ تعالیٰ منہال احمد اور زین صدیقی کی ازدواجی زندگی کو محبت، وفا، باہمی احترام اور اتفاق سے بھر دے، ان کے گھر کو خوشیوں، سکون، رزقِ حلال اور برکتوں کا گہوارہ بنائے اور انہیں صحت، سلامتی، خوشحالی اور نیک اولاد سے نوازے۔
انہوں نے دعا کی کہ نوبیاہتا جوڑا زندگی کے ہر مرحلے میں ایک دوسرے کا بہترین ساتھی اور سہارا بنے اور اللہ تعالیٰ دونوں خاندانوں کو ہمیشہ خوش و خرم اور آباد رکھے۔ آمین۔
