بیجنگ (چینی وزارتِ خارجہ) چین نے ایران کے ساتھ تعاون پر ممکنہ امریکی پابندیوں کی دھمکی پر ردِعمل دیتے ہوئے کہا ہے کہ ایران کے ساتھ چین کا تعاون بین الاقوامی قانون کے دائرے میں ہے اور اس پر کسی بیرونی دباؤ کا اثر نہیں ہوگا۔
چینی وزارتِ خارجہ کے ترجمان لن جیان نے بیجنگ میں میڈیا سے گفتگو کرتے ہوئے کہا کہ چین مشرقِ وسطیٰ کی صورتِ حال پر گہری نظر رکھے ہوئے ہے اور اپنے جائز حقوق اور مفادات کے تحفظ کے لیے ضروری اقدامات کرے گا۔
لن جیان نے کہا کہ چین ایران کے ساتھ معمول کے اقتصادی، تجارتی اور دیگر شعبوں میں تعاون کرتا ہے اور یہ تعاون بین الاقوامی قانون کے مطابق ہے۔
چینی ترجمان نے کہا کہ پابندیاں عائد کرنا اور دباؤ ڈالنے کے حربے مسائل کے حل میں مددگار ثابت نہیں ہوتے۔ انہوں نے تمام متعلقہ فریقوں پر زور دیا کہ وہ تحمل اور سمجھ داری سے کام لیں اور خطے میں کشیدگی کم کرنے کے لیے کوششیں کریں۔
انہوں نے مزید کہا کہ بیجنگ متعلقہ پیش رفت پر نظر رکھے گا اور صورتِ حال کے مطابق اپنے جائز مفادات کے تحفظ کے لیے ضروری اقدامات کرے گا۔
