برمنگھم(خبر ایجنسیاں) انگلینڈ نے تیسرے ٹیسٹ میں پاکستان کو 8 وکٹوں سے شکست دے کر تین میچوں کی سیریز 3-0 سے جیت لی۔
130 رنز کے ہدف کے تعاقب میں انگلینڈ کی ٹیم ابتدا میں مشکلات کا شکار ہوئی، محمد عباس نے انگلش ٹیم کے دونوں اوپنرز بین ڈکٹ اور ایمیلیو گے کو مجموعی طور پر 2 رنز پر پویلین بھیج دیا۔
اس کے بعد کپتان جو روٹ اور جورڈن کاکس نے ذمہ دارانہ بیٹنگ کرتے ہوئے مزید کوئی وکٹ گرنے دیے بغیر ٹیم کو فتح سے ہمکنار کردیا۔ جو روٹ 62 اور جورڈن کاکس 59 رنز بناکر ناقابل شکست رہے۔
پاکستان نے پہلی اننگز میں 133 رنز بنائے، جس کے جواب میں انگلینڈ نے 453 رنز اسکور کیے۔ پاکستان نے دوسری اننگز میں 449 رنز بنائے اور انگلینڈ کو فتح کے لیے 130 رنز کا ہدف دیا۔
میزبان ٹیم نے ہدف 2 وکٹوں کے نقصان پر حاصل کرکے تین ٹیسٹ میچوں کی سیریز میں پاکستان کو وائٹ واش کردیا۔ڈینس لارنس کو پلیئر آف دی میچ قرار دیا گیا، جبکہ پاکستان کے محمد عباس اور انگلینڈ کے اولی رابنسن کو پلیئر آف دی سیریز کے اعزاز سے نوازا گیا۔
