وینکوور (رائٹرز) فیفا ورلڈ کپ کے پری کوارٹر فائنل میں سوئٹزرلینڈ نے کولمبیا کو سنسنی خیز مقابلے کے بعد پنالٹی شوٹ آؤٹ میں 3-4 سے شکست دے کر کوارٹر فائنل کے لیے کوالیفائی کر لیا۔
میچ کے مقررہ وقت اور اضافی وقت میں دونوں ٹیمیں کوئی گول نہ کر سکیں، جس کے باعث فاتح کا فیصلہ پنالٹی شوٹ آؤٹ پر ہوا۔سوئٹزرلینڈ نے پنالٹی شوٹ آؤٹ میں چار جبکہ کولمبیا نے تین گول کیے، یوں سوئس ٹیم نے آخری آٹھ ٹیموں میں جگہ بنا لی۔
میچ کے دوران سوئٹزرلینڈ نے زیادہ مواقع پیدا کیے، تاہم وہ انہیں گول میں تبدیل نہ کر سکی، جبکہ کولمبیا بھی ملنے والے مواقع سے فائدہ اٹھانے میں ناکام رہا۔کوارٹر فائنل میں سوئٹزرلینڈ کا مقابلہ دفاعی چیمپئن ارجنٹینا سے ہوگا۔
