نئی دہلی (ایجنسیاں) بھارتی عدالت نے نوجوانوں کی جماعت کاکروچ جنتا پارٹی کے دو رہنماؤں اشوتوش رانکا اور سورو داس کو پانچ روز کیلئے جیل بھیج دیا۔
بھارتی میڈیا کے مطابق دونوں رہنماؤں نے گزشتہ روز نئی دہلی میں جنتر منتر پر لگائی گئی رکاوٹیں پھلانگ کر احتجاج کے مقام میں داخل ہونے کے بعد نعرے بازی کی اور چیف الیکشن کمشنر گنیش کمار سے استعفے کا مطالبہ کیا تھا۔
واقعے کے بعد پولیس نے دونوں رہنماؤں سمیت دیگر مظاہرین کو گرفتار کرلیا تھا۔ بعدازاں عدالت نے اشوتوش رانکا اور سورو داس کو پانچ روز کے لیے جیل بھیجنے کا حکم دیا۔
دوسری جانب بھارتی حکومت نے احتجاجی مظاہروں کے لیے مختص جنتر منتر کا باضابطہ احتجاجی مقام کا درجہ ختم کردیا ہے، جس کے بعد وہاں احتجاج کے انعقاد سے متعلق پابندیوں کا معاملہ بھی سامنے آیا ہے۔
واضح رہے کہ بھارت کے چیف الیکشن کمشنر گنیش کمار پر الزام عائد کیا جاتا ہے کہ انتخابی فہرستوں سے بھارتیہ جنتا پارٹی مخالف 13 کروڑ ووٹروں کے نام خارج کیے گئے اور ایسے فیصلے کیے گئے جن سے حکمراں جماعت کو فائدہ پہنچا۔ یہ الزامات سیاسی تنازع کا حصہ ہیں، جن کی آزادانہ تصدیق ضروری ہے۔
