برامپٹن (نمائندہ خصوصی)برامپٹن کی ریجنل کونسلر روینا سانتوس کو فیڈریشن آف کینیڈین میونسپلٹیز (ایف سی ایم) نے27-2026کی مدت کیلئے اسٹینڈنگ کمیٹی آن کمیونٹی سیفٹی اینڈ کرائم پریوینشن کی چیئر مقرر کردیا ہے۔
روینا سانتوس کی یہ تقرری ان کی قیادت اور کمیونٹی سیفٹی کیلئےعزم کا اعتراف ہے اور اس کے ذریعے برامپٹن کو قومی سطح پر کمیونٹی سیفٹی کے حوالے سے پالیسی اور وکالت کے مباحث میں مضبوط آواز حاصل ہوگی۔
کینیڈا بھر کے میونسپل رہنماؤں کی جانب سے منتخب کی گئی کونسلر روینا سانتوس کی بطور چیئر تقرری ان کے ساتھیوں کے اعتماد اور محفوظ کمیونٹیز کے فروغ کیلئے ان کے عزم کی عکاسی کرتی ہے۔
بطور چیئر کونسلر روینا سانتوس پولیسنگ، جرائم کی روک تھام، کمیونٹی کریکشنز، ہنگامی حالات کیلئےتیاری اور ایمرجنسی مینجمنٹ سے متعلق قومی سطح پر میونسپل مباحث کی قیادت کریں گی۔ ان کی تقرری سے برامپٹن کو قومی سطح پر ایک مضبوط آواز ملے گی اور کینیڈا کے تیزی سے ترقی کرنیوالے بڑے شہروں میں شامل برامپٹن کی ترجیحات اور تجربات براہ راست ان مباحث کا حصہ بنیں گے جو میونسپل پالیسی اور وکالت کی تشکیل میں مدد دیتے ہیں۔
کونسلر روینا سانتوس 2020 سے ایف سی ایم کے بورڈ آف ڈائریکٹرز کی رکن ہیں اور قومی سطح پر میونسپل معاملات سے متعلق مباحث میں برامپٹن کا نقطۂ نظر پیش کرتی رہی ہیں۔ کمیونٹی سیفٹی اور کرائم پریوینشن کی اسٹینڈنگ کمیٹی کی چیئر کے طور پر ان کی تقرری ایف سی ایم میں ان کی قیادت کا تسلسل ہے، جس میں درج ذیل ذمہ داریاں شامل ہیں.
میونسپل فنانس، انفراسٹرکچر اینڈ ٹرانسپورٹیشن کی اسٹینڈنگ کمیٹی کی تین مرتبہ چیئر رہ چکی ہیں، جہاں انفراسٹرکچر سرمایہ کاری، پبلک ٹرانزٹ، ٹرانسپورٹیشن اور میونسپل فنانس سے متعلق ترجیحات کو آگے بڑھانے میں کردار ادا کیا۔
اینٹی ریسزم اینڈ ایکویٹی کی اسٹینڈنگ کمیٹی کی دو مرتبہ وائس چیئر رہیں۔
میونسپل حکومت میں خواتین کی شرکت بڑھانے سے متعلق اسٹینڈنگ کمیٹی کی فعال رکن رہیں۔
میونسپل حکومت میں قیادت اور خدمات کے اعتراف میں ایف سی ایم کی جانب سے میونسپل ٹریل بلیزر کے اعزاز سے نوازا گیا۔
کمیونٹی سیفٹی برامپٹن کی اہم ترجیحات میں شامل ہے اور سٹی رہائشیوں کے تحفظ، محلوں کو مضبوط بنانے اور ایک زیادہ محفوظ اور لچکدار کمیونٹی کی تعمیر کیلئےدرکار سرمایہ کاری، پالیسیوں اور شراکت داریوں کیلئےمسلسل وکالت کے عزم کا اظہار کرتا ہے۔
عوامی تحفظ اور بارڈر سیکیورٹی میں بہتری
منظم جرائم، گاڑیوں کی چوری، آتشیں اسلحے، منشیات کی اسمگلنگ اور دیگر بین الاقوامی نوعیت کے خطرات سے نمٹنے کیلئے پیل ریجنل پولیس کی مدد کیلئےوفاقی سرمایہ کاری میں اضافہ، جس میں ایئرپورٹ سے متعلق پولیسنگ کے تمام اخراجات مکمل طور پر پورے کرنے کیلئےمخصوص فنڈنگ بھی شامل ہے۔
صنفی بنیاد پر تشدد کی روک تھام
قریبی ساتھی کی جانب سے تشدد کا نشانہ بننے والے متاثرین اور ان کے خاندانوں کے تحفظ کو مضبوط بنانا، انسانی اسمگلنگ سے نمٹنا اور مضبوط شراکت داری، روک تھام کے اقدامات اور عوامی آگاہی کے ذریعے متاثرین کے لیے معاونت میں توسیع کرنا۔
نفرت، انتہاپسندی اور سماجی تقسیم کا مقابلہ
میونسپلٹیز کو نفرت، انتہاپسندی اور سماجی تقسیم سے نمٹنے کے لیے وسائل اور صلاحیت فراہم کرنا اور کمیونٹی کی قیادت میں شراکت داریوں کی حمایت کرنا جو مزاحمت کی صلاحیت پیدا کریں، سماجی ہم آہنگی کو مضبوط کریں اور نقصان کی روک تھام میں مدد دیں۔
مہنگائی اور اخراجاتِ زندگی میں ریلیف اور کمیونٹی کی فلاح: سستی رہائش، خوراک کے تحفظ، قابلِ رسائی عوامی خدمات اور کم و متوسط آمدنی والے گھرانوں کو مالی ریلیف فراہم کرنے والے اقدامات کے ذریعے خاندانوں کی مدد کرنا۔
بے گھری اور غیر یقینی امیگریشن حیثیت سے نمٹنا: وفاقی اور میونسپل حکومتوں کے درمیان رابطہ کاری، اعداد و شمار اور معاونت کو مضبوط بنانا تاکہ میونسپلٹیز بے گھری اور ایسے افراد کے کیمپوں سے متعلق مسائل سے مؤثر انداز میں نمٹ سکیں جن کی امیگریشن حیثیت غیر یقینی ہے۔
ایف سی ایم مقامی حکومتوں کی قومی آواز ہے اور کینیڈا کی 90 فیصد آبادی کی نمائندگی کرتی ہے۔ اس کا بورڈ آف ڈائریکٹرز اسٹینڈنگ کمیٹیاں، ورکنگ گروپس، کاکسز اور فورمز قائم کرتا ہے جو پورے کینیڈا سے منتخب میونسپل نمائندوں کو اکٹھا کرتے ہیں تاکہ ترجیحی پالیسی اور پروگرام سے متعلق معاملات کا جائزہ لیا جائے اور بورڈ کو سفارشات پیش کی جائیں۔
کونسلر روینا سانتوس کی ایف سی ایم کے ساتھ کام کے ذریعے سٹی آف برامپٹن کمیونٹی سیفٹی کی مضبوط پالیسیوں، وسائل اور شراکت داریوں کے لیے وکالت جاری رکھے گا جو رہائشیوں، بچوں اور خاندانوں کے تحفظ اور برامپٹن سمیت پورے کینیڈا میں زیادہ محفوظ کمیونٹیز کی تعمیر میں مدد دیں۔
برامپٹن کے میئر پیٹرک براؤن نے کہا کہ ریجنل کونسلر روینا سانتوس کی تقرری قومی میونسپل وکالت کے پلیٹ فارم پر برامپٹن کی آواز کو مضبوط کرتی ہے، خاص طور پر ایسے معاملے پر جو رہائشیوں کی ترجیح ہے۔
انہوں نے کہا کہ ملک بھر سے میونسپل قیادت کے ساتھیوں کی جانب سے اس اہم کمیٹی کی چیئر کیلئے منتخب کیا جانا ان کی قیادت اور محفوظ کمیونٹیز کی تعمیر کے عزم کا اہم اعتراف ہے۔ برامپٹن کے نمائندے کا اس عہدے پر ہونا اس بات کو یقینی بنانے میں مدد دے گا کہ رہائشیوں کی ضروریات قومی مباحث کا حصہ بنیں اور بچوں اور خاندانوں کے تحفظ اور محفوظ محلوں کی تعمیر کے لیے درکار شراکت داریوں، وسائل اور حل کیلئےوکالت مضبوط ہو۔
پیٹرک براؤن نے روینا سانتوس کو اس تقرری پر مبارکباد دی اور ان کی جانب سے برامپٹن کیلئےجاری وکالت پر اعتماد کا اظہار کیا۔
ریجنل کونسلر روینا سانتوس نے کہا کہ وہ اس تقرری کو عاجزی کے ساتھ قبول کرتی ہیں اور ایف سی ایم کے بورڈ آف ڈائریکٹرز اور اپنے میونسپل ساتھیوں کی شکر گزار ہیں کہ انہیں اتنے اہم معاملے پر خدمات انجام دینے کا موقع دیا گیا۔
انہوں نے کہا کہ کمیونٹی سیفٹی رہائشیوں، بچوں اور خاندانوں کی فلاح و بہبود کے لیے بنیادی اہمیت رکھتی ہے۔ یہ کردار انہیں قومی سطح پر برامپٹن کا نقطۂ نظر پیش کرنے کے ساتھ ساتھ پورے کینیڈا کی میونسپلٹیز کے ساتھ مشترکہ چیلنجز پر کام کرنے کا موقع فراہم کرتا ہے۔
روینا سانتوس نے کہا کہ وہ عملی حل پیش کرنے، شراکت داریوں کو مضبوط بنانے اور میونسپلٹیز کو محفوظ اور ترقی کرتی ہوئی کمیونٹیز کی تعمیر کے لیے درکار وسائل کی وکالت کرنے کی منتظر ہیں۔
کرائم سے نمٹنے کی ذمہ دار سیکریٹری آف اسٹیٹ اور برامپٹن نارتھ-کیلیڈن کی رکن پارلیمنٹ روبی سہوتا نے ریجنل کونسلر روینا سانتوس کو اہم قومی تقرری پر مبارکباد دیتے ہوئے کہا کہ محفوظ کمیونٹیز کی تعمیر کیلئےحکومت کی تمام سطحوں کے درمیان مضبوط تعاون ضروری ہے اور میونسپل رہنماؤں کا مقامی نقطۂ نظر اس کام میں انتہائی اہم ہے۔
انہوں نے کہا کہ کونسلر سانتوس برامپٹن کے بچوں اور خاندانوں کے لیے ایک dedicated advocate رہی ہیں اور بطور چیئر ان کی قیادت اس بات کو یقینی بنائے گی کہ کمیونٹی سیفٹی کے حوالے سے قومی گفتگو میں برامپٹن کی مضبوط آواز موجود ہو۔
روبی سہوتا نے کہا کہ وہ برامپٹن اور پورے کینیڈا کی کمیونٹیز کو محفوظ رکھنے میں مدد دینے والے حل کو آگے بڑھانے کیلئےکونسلر سانتوس کے ساتھ کام جاری رکھنے کی منتظر ہیں۔
پیل ریجنل پولیس کے چیف نِشان دورائی اپا نے کہا کہ کمیونٹی سیفٹی کینیڈا بھر کی میونسپلٹیز کو درپیش اہم ترین اور پیچیدہ چیلنجز میں سے ایک ہے اور اس سے نمٹنے کیلئے پولیس، حکومتوں اور ان کمیونٹیز کے درمیان مضبوط شراکت داری ضروری ہے جن کی وہ خدمت کرتے ہیں۔
انہوں نے کہا کہ کونسلر سانتوس برامپٹن اور پیل میں کمیونٹی سیفٹی اور جرائم کی روک تھام کی مستقل حامی رہی ہیں اور وہ اس اہم قومی قیادتی کردار پر انہیں مبارکباد پیش کرتے ہیں۔چیف نِشان دورائی اپا نے کہا کہ وہ ایف سی ایم اور کونسلر سانتوس کے ساتھ مل کر عملی اور کمیونٹی پر مرکوز طریقہ کار کو آگے بڑھانے کے منتظر ہیں جو شہروں کو زیادہ محفوظ اور مضبوط بنائیں۔
فیڈریشن آف کینیڈین میونسپلٹیز کے صدر ٹم ٹیرنی نے کہا کہ میونسپلٹیز محفوظ اور مضبوط کمیونٹیز کی تعمیر میں فرنٹ لائن پر ہیں اور رہائشیوں کی ضروریات کے مطابق حل آگے بڑھانے کیلئےمضبوط میونسپل قیادت ضروری ہے۔
انہوں نے کہا کونسلر سانتوس ایف سی ایم میں وسیع تجربہ اور کمیونٹی سیفٹی کیلئےمضبوط عزم رکھتی ہیں، جس میں روڈ سیفٹی، جرائم کی روک تھام،صنفی بنیاد پر تشدد کے خاتمے کیلئےحل تلاش کرنا اور خاندانوں کا تحفظ شامل ہے۔
ٹم ٹیرنی نے ایف سی ایم کی جانب سے روینا سانتوس کو چیئر مقرر ہونے پر مبارکباد دی اور کہا کہ وہ ان کی قیادت میں میونسپل آوازوں کو یکجا کرنے اور ایسے عملی حل آگے بڑھانے کے منتظر ہیں جو پورے کینیڈا میں کمیونٹیز کو زیادہ محفوظ بنانے میں مدد کریں.
