ممبئی (بھارتی میڈیا) بالی ووڈ کے ’بھائی جان‘ سلمان خان عید کے موقع پر اپنی رہائش گاہ کے باہر جمع ہونے والے مداحوں سے روایتی انداز میں ملے۔اس موقع پر ان کے والد سلیم خان بھی موجود تھے، جو اسپتال میں ایک ماہ قیام کے بعد پہلی بار عوام کے سامنے آئے۔
سلمان خان نے مداحوں کو خوش آمدید کہا، ہاتھ ہلایا اور محبت پر شکریہ ادا کیا۔ سلیم خان نے بھی ہاتھ ہلا کر مداحوں کا خیرمقدم کیا، جبکہ سلمان اور ارباز خان والد کو مداحوں سے ملتے دیکھ کر مسکراتے رہے۔
بعد ازاں پورا خانہ، بشمول سہیل خان، سلمیٰ خان اور بھتیجی آیت، بھی کھڑکی پر آئے اور مداحوں کو مبارکباد دی۔ سلمان خان نے یہ ویڈیو انسٹاگرام پر بھی شیئر کی اور مداحوں کا شکریہ ادا کیا، ساتھ ہی والد کے گھر واپس آنے کی خوشخبری بھی دی۔
