پیرس(اے ایف پی، بین الاقوامی ٹینس میڈیا)فرنچ اوپن 2026 میں ایک اور بڑا اپ سیٹ سامنے آیا ہے، جہاں سابق چیمپئن نواک جوکووچ کو برازیل کے 19 سالہ نوجوان کھلاڑی زاؤ فونسیکا نے پانچ سیٹوں کے سنسنی خیز مقابلے کے بعد شکست دے کر ایونٹ سے باہر کر دیا۔
میچ تقریباً ساڑھے چار گھنٹے جاری رہا اور فیصلہ آخری پانچویں سیٹ میں ہوا، جہاں نوجوان کھلاڑی نے شاندار کم بیک کرتے ہوئے فتح اپنے نام کی۔
ابتدا میں جوکووچ نے شاندار کارکردگی دکھاتے ہوئے پہلے دو سیٹ 6-4 اور 6-4 سے جیت لیے اور مضبوط برتری حاصل کر لی، تاہم اس کے بعد برازیلین کھلاڑی نے زبردست واپسی کی۔
تیسرے سیٹ میں زاؤ فونسیکا نے 6-3 سے کامیابی حاصل کر کے میچ میں واپسی کی، جبکہ چوتھا اور پانچواں سیٹ انتہائی سخت مقابلے کے بعد 7-5 اور 7-5 سے جیت کر فرنچ اوپن کا سب سے بڑا اپ سیٹ مکمل کیا۔
اس سے قبل ٹورنامنٹ میں بھی بڑا اپ سیٹ دیکھنے میں آیا تھا جب ٹاپ سیڈ کھلاڑی یانک سینر دوسرے راؤنڈ میں شکست کھا کر باہر ہو گئے تھے، جس کے بعد یہ مقابلہ مزید غیر متوقع اور دلچسپ ہو گیا ہے۔
