نیویارک(فیفا، رائٹرز، اے ایف پی)فیفا ورلڈکپ کے گروپ ایل کے میچ میں انگلینڈ نے پاناما کو 2-0 سے شکست دے کر سات پوائنٹس کے ساتھ گروپ میں پہلی پوزیشن حاصل کر لی۔
نیویارک میں کھیلے گئے میچ میں انگلینڈ نے آغاز سے ہی بہتر کھیل پیش کیا اور پاناما کے گول پر متعدد حملے کیے، تاہم پہلے ہاف میں کوئی بھی ٹیم گول کرنے میں کامیاب نہ ہو سکی اور مقابلہ بغیر کسی گول کے برابر رہا۔
دوسرے ہاف میں انگلینڈ نے کھیل پر اپنی گرفت مزید مضبوط کر لی۔ 62ویں منٹ میں جوڈ بیلنگھم نے گول کر کے ٹیم کو برتری دلائی، جبکہ صرف پانچ منٹ بعد کپتان ہیری کین نے دوسرا گول اسکور کر کے انگلینڈ کی فتح یقینی بنا دی۔
میچ 2-0 سے انگلینڈ کے حق میں ختم ہوا۔ اس کامیابی کے ساتھ انگلینڈ نے گروپ ایل میں سات پوائنٹس کے ساتھ پہلی پوزیشن حاصل کر لی اور ناک آؤٹ مرحلے میں بھرپور اعتماد کے ساتھ رسائی حاصل کی۔
