واشنگٹن(امریکی محکمۂ خارجہ، خبر ایجنسیاں) امریکی وزیرِ خارجہ مارکو روبیو نے کہا ہے کہ صدر ڈونلڈ ٹرمپ کی قیادت میں امریکا یہودی عوام کے ساتھ کھڑا رہے گا۔
یہودی مخالف نفرت کے انسداد سے متعلق ایک کانفرنس سے خطاب کرتے ہوئے مارکو روبیو نے کہا کہ ٹرمپ انتظامیہ کی نافذ کردہ نئی ویزا پالیسی ایسے غیر ملکی افراد کو امریکا آنے سے روکے گی جو یہودی برادری کے خلاف نفرت کو ہوا دیتے ہیں۔
انہوں نے کہا کہ امریکا ایسے ممالک اور بین الاقوامی تنظیموں کو بھی جواب دہ ٹھہرا رہا ہے جو اسرائیل مخالف بیانیہ اختیار کرتے ہیں، جو ان کے بقول یارون لِشنسکی اور سارہ ملگرم کے قاتل کے منشور میں بھی نظر آتا ہے۔
مارکو روبیو نے کہا کہ ان تمام مشکلات کے باوجود وہ ایسے مشرقِ وسطیٰ کے لیے پُرامید ہیں جہاں بالآخر ابراہیمی معاہدے غالب ہوں اور خطے میں امن و تعاون کو فروغ ملے۔
