ڈلاس/ارلنگٹن( فیفا، اے ایف پی، الجزیرہ، بی بی سی اسپورٹس)ارجنٹینا کے لیجنڈری فٹبالر لیونل میسی نے فیفا ورلڈ کپ میں تاریخ رقم کرتے ہوئے ایونٹ میں سب سے زیادہ گول کرنے والے کھلاڑی کا اعزاز حاصل کر لیا ہے۔
فیفا ورلڈ کپ 2026 کے گروپ مرحلے میں آسٹریا کے خلاف میچ کے دوران میسی نے پہلا گول اسکور کیا، جو ان کا ورلڈ کپ میں مجموعی طور پر 17واں گول تھا۔ اس کے ساتھ ہی انہوں نے جرمنی کے سابق اسٹرائیکر میروسلاو کلوزے کا 16 گولز کا پرانا ریکارڈ توڑ دیا۔
اعداد و شمار کے مطابق برازیل کے سابق اسٹار رونالڈو 15 گولز کے ساتھ فہرست میں تیسرے نمبر پر ہیں، جبکہ فرانس کے نوجوان اسٹار کلیان ایمباپے 14 گولز کے ساتھ نمایاں کھلاڑیوں میں شامل ہیں۔
اس ریکارڈ کے بعد لیونل میسی ورلڈ کپ تاریخ کے سب سے کامیاب گول اسکورر بن گئے ہیں، اور ان کی یہ کارکردگی عالمی فٹبال حلقوں میں بڑی کامیابی قرار دی جا رہی ہے۔
